💐 एक सुंदर कविता 💐
आजी माझी सांगुन गेली
पोटा पुरतंच कमव.
जिवाभावाचे दोस्त
मात्र खुप सारे जमव..!
पैशा पुढे झुकणारे
खुप सारे भेटतील,
असेल तुझा खिसा गरम
तर बळे बळेच खेटतील.
तुझ्या सुखात हसणारे
जे तुझ्या दुःखात रडतील.
तेच नातं खर आहे
त्याला जिवापाड जपव.
जिवाभावाचे दोस्त
मात्र खुप सारे जमव..!
श्रीमंती नी गरीबी
असतो खेळ ऊन सावलीचा,
मनी सदा ठेव
आदर माय माऊलीचा.
सच्चा मित्र मिळायला
खुप मोठं लागतं दैव,
जपुन ठेव धन मैत्रीचं
हि आयुष्यभराची ठेव.
जिवाभावाचे दोस्त
मात्र खुप सारे जमव..!
आजी माझी सांगुन गेली
पोटा पुरतंच कमव.
जिवाभावाचे दोस्त
मात्र खुप सारे जमव..!
👏😊✌
No comments:
Post a Comment