रुटीन मधून वेळ काढून
ती सिनेमाला गेली
मुलांचा हट्ट होता
म्हणून पाहीला बाहुबली

तेव्हापासून घरातलं
वातावरण बदललं
हसतं खेळतं घर
चिंतेत आहे बुडालं

वरणात मिठ,भाजीत तिखट
कमी जास्त होऊ लागले
गँसवरचे दुध नियमित
उतू जाऊ लागले

आवडत्या सिरियलची
वेळ टळू लागली
कधी पोळी कच्ची तर
कधी फोडणी जळू लागली

पाहून तीची हालत
त्याला गलबलून आले
जवळ घेऊन तिला
हळूच त्याने विचारले

काय झालं जानु तुला
माझं काही चुकलं का
एखादं जुनं प्रेमपत्र
तुझ्या हाती लागलं का?

लग्नाचा वाढदिवस
मी विसरलो तर नाहीना
हवा आहे का तुला
एखादा नवा दागीना

मान हलवून ती म्हणाली
नाही रे,तुझं काही नाही चुकलं
एक कोडं मात्र मला
अजुन नाही सुटलं

गंभीर होत तिने मग
हळूच त्याला विचारलं
सांग ना प्लिज.. कटप्पाने
बाहुबलीला का मारलं

😀😀😀